Os clubs de lectura son grupos de xente que se reunen periodicamente, coa axuda dunha persoa coordinadora, para comentar e valorar os libros que as bibliotecas lles proporcionan.
QUEN PODE PARTICIPAR?
Calquera persoa que queira. Neste caso, o Club de Lectura da Asociación Veciñal está orientado a persoas de máis de 18 anos.
COMO SE FAN AS LECTURAS?
As lecturas fanse de forma individual no tempo libre de cada un, seguindo o ritmo marcado polo club.
CAL É A FINALIDADE DO CLUB?
O propósito do club é o de crear un espazo de discusión sobre temas, autores, xéneros literarios e compartir intereses de lectura.
COMO SERÁ O MEU PRIMEIRO DÍA DENTRO DO CLUB?
O primeiro día estará adicado a coñecerse e falar dos libros que máis nos gostan. Despois anótanse ideas sobre posíbeis lecturas e se debate sobre cal escoller.
EN QUE IDIOMA SERÁ?
As lecturas poderán ser en galego ou castelán.
Biblioteca Veciñal de Monte Alto 